ചടുല താളങ്ങൽക്കിടയില്

വേർപെട്ടു പോയ സ്വരങ്ങളെ

ചികഞ്ഞെടുക്കാൻ

ഒരു പാഴ് ശ്രമം നടത്തി നോക്കി

ചിക്കി ചികഞ്ഞെടുത്ത സ്വരങ്ങളെ

വീണ്ടും വീണ്ടും

ഒരു നൂറാവർത്തി ഒതുക്കി വച്ചു

എന്നിട്ടും പാടി മറന്ന

ആ രാഗം സൃഷ്ട്ടിക്കാനായില്ല

സ്വരങ്ങൾ മന്ത്രങ്ങളാക്കി

നിശ്വാസം പോലും താളമായി

അതിൽ ജീവ രാഗം തീർത്ത

നാളുകൾ ഉണ്ടായിരുന്നു ഹൃത്തിൽ

സര്വവും അലിയിച്ചു കളയുന്ന മഴ

ആ നാളുകളും കവര്ന്നെടുത്തു

ചുണ്ടിൽ സ്വരങ്ങൾ ചേർത്ത് തന്ന

ഗുരു നാഥൻ തൻ പാദങ്ങൾ

മനസ്സിൽ തൊട്ടുഴിഞ്ഞു

മാതാ പിതാ ഗുരു ദൈവമെന്നൊതി

ഒന്നൂടാ സ്വരങ്ങൾ ചേർത്ത് വച്ചു

പൂർണമായോ ......?

അത് ശ്രുതി ചേർത്തൊന്നു മൂളി നോക്കി

മാഞ്ഞു പൊയതെന്തൊക്കെയൊ തിരിച്ചു കിട്ടി

ഇനി കളയതെയാ സ്വരങ്ങളെ

ഹൃതിലെടുത്തു വയ്ക്കാം.......