സ്നേഹദീപം.........മാരകമായ എന്റെ പ്രണയം

അമ്മയുടെ ഗര്ഭപാത്രത്തില്
എന്നോട് പിണഞ്ഞു
കിടന്ന
ഭ്രൂണത്തോടായിരുന്നു,
എന്റെ ആദ്യ പ്രണയം.
കണ്ണുരുട്ടി,
അമ്മയുടെ താക്കീത്;
പെങ്ങളാണെത്രേ..!
കണ്ണുകളില് ആദ്യ
പ്രണയത്തിന്റെ നനവ്...
പിന്നെ,
അച്ഛനും അമ്മയും കളിക്കുമ്പോള്
കളിക്കൂട്ടുകാരിയോടു.
ഇങ്ങനെയൊന്നും പറയാന്
പാടില്ലെന്ന് അവളും..!
മനസ്സില്
പ്രണയത്തിന്റെ പേടി...
ഓത്തു പള്ളിയില്
അടുത്തിരുന്നിരുന്ന
വലിയ കണ്ണുകളുള്ള
പെണ്കുട്ടി.
അറിഞ്ഞു കൊണ്ട്,
പ്രണയപൂര്വ്വം ഒന്ന്
തൊട്ടു.
ഉസ്താതിനു
ഹാലിളകി അലറി വിളിച്ചു,
ഹറാം, പിന്നെ എണ്പതു
അടി..!
കൈ വെള്ളയില്
പ്രണയത്തിന്റെ നിറം...
വളര്ന്നപ്പോള്
വേലക്കാരി സൈനയോട്.
വീട്ടുകാര് അറിയും എന്ന്
അവള്,
ആളുകള് പറയും എന്ന്
വീട്ടുകാര്..!
ഹൃദയത്തില്
പ്രണയത്തിന്റെ വീര്പ്പു
മുട്ടല്...!
ഇങ്ങനെയൊക്കെയാണ്
ഞാന്
പ്രണയം അറിഞ്ഞത്.
ഭാഷയില്ലാത്ത കവിത
പോലെ,
രാഗമറിയാത്ത
ഗാനം പോലെ,
വിനിമയം ചെയ്യപ്പെടാതെ,
മാരകമായിരിക്കുന്നു
ഇന്നെന്റെ പ്രണയം.
----------------------------------