സ്നേഹദീപം......" സ്നേഹം"

സ്നേഹമേ, ഈ
പ്രകൃതി തന്നുടെ
ജീവ വായുവേ വന്ദനം;
നിന്റ്റെ വേര്പാടില്
ജീവജാലങ്ങള്
വെന്തുനീറിടും സര്വ്വവും,
പൊന് പുലരിതന്
കാന്തിയില് നോക്കൂ....
മണ്തരി പോലും പൊന്തരിയായി;
മഞ്ഞുതുള്ളികള്
മുത്തുകളായി
വെണ്മതൂകുന്നു ചുറ്റിലും;
പ്രത്യുഷക്കാറ്റിന്
ശീതളാംശുക്കള്
പര്ണ്ണരാജി തലോടവെ......
ആനന്ദാശ്രുക്കള്
തൂകിയാടുന്നു -
ണ്ടാ ലതാ നികുഞജങ്ങളും;
താലമേന്തി വരവേറ്റിടുന്നു
പൂവുകള്
ഭ്രൂമരൌഘത്തെ....
സ്നേഹവായ്പിനാല്
പുഷ്പരാജികള്
ആശ്ലേഷത്തിലമരുന്നു;
സന്ധ്യ
കാത്തുനിന്നിടുന്നിതാ
രാവിനെ നിര്ന്നിമേഷയായി-
സാഗരങ്ങളലറിയാക്കര-
കാണാതാകുമൊരോര്മ്മയില്
സ്നേഹ
സന്ദേശമോതിയീണത്തില്
കൂടണയും പറവകള്
"സ്നേഹത്തില്
നിന്നുദിക്കുന്നു ലോകം
സ്നേഹത്താല്
ശാന്തി നേടുന്നു;
സ്നേഹമില്ലെങ്കില്
മോഹനമാമീ-
ലോകമോ വെറും ശൂന്യമാം"[/