ഇനിയുമൊരു ജന്മമീ 

ഭൂവില് ജനിക്കുകില് 

ഒരു പൂവിനിതളായ് മാറുവാനായെങ്കില് 

ഇതളിനെ എന്നും തലോടിയുണറ്ത്തുന്ന

ഒരു മഞ്ഞു തുള്ളിയായ്

മാറാന് കഴിഞ്ഞെങ്കില്

ഒടുവിലാ പുഷ്പം ഒളിഞ്ഞിരിക്കുന്നേതോ

കാറ്കൂന്തലിഴകളില് ഒന്നേലുമാകുവാന്

ഭൂമിതന് പാപങ്ങള് കഴുകിക്കളയുന്ന

മഴയിലൊരു തുള്ളിയായ്

പൊഴിയാന് കഴിഞ്ഞെങ്കില്

ആഴമളക്കുവാന് ആവാത്തൊരാഴിയില്

ഒരു കുഞ്ഞു മീനായി

ഒഴുകുവാനായെങ്കില്

മേഘങ്ങള്ക്കിടയിലൂടെന്നും പറക്കുന്ന

ഒരു കുഞ്ഞു പറവയായ്

പാറാന് കഴിഞ്ഞെങ്കില്

ഇനിയുമൊരു ജന്മമീ

ഭൂവില് ജനിക്കുകില്

ഒരു പൂവിനിതളായ് മാറുവാനായെങ്കില്......